Ի՞նչ է կորպորատիվ տպագրությունը: Սա տպագրության այն տեսակն է, որն իրականացվում է ընկերության կորպորատիվ ոճին համապատասխան: Կորպորատիվ տպագրության տարրերից են՝
- նոթատետրեր, օրացույցեր
- կորպորատիվ հագուստ, բեյջեր
- բաժակներ, տոպրակներ
- ծրարներ, թղթապանակներ, ձևաթղթեր
- բուկլետներ, թռուցիկներ, կատալոգներ և այլն:
Ցանկացած ձեռներեց նպատակ ունի գտնել նոր հաճախորդներ և չկորցնել եղած հաճախորդներին: Այս հարցում կարևոր դեր են խաղում կորպորատիվ ինքնությունը կրող ապրանքները:
Ի՞նչ հասկանալ կորպորատիվ ոճ ասելիս…
Կորպորատիվ կամ ֆիրմային ոճն ընկերության միայն լոգոն և անվանումը չեն: Այն նաև արտահայտում է ընկերության գաղափարը, նպատակները և տեսլականը: Կորպորատիվ ոճն իր մեջ ներառում է գրաֆիկական, տեքստային, որոշ դեպքերում նաև ձայնային տարրեր, որոնք տարբերում են կազմակերպությունը ոլորտի մյուս ներկայացուցիչներից: Գունային համադրությունները, կարգախոսը, տառատեսակները, ապրանքային նշաններն ամբողջացնում են ֆիրմային ոճը:
Տարեցտարի ավելանում է այն կազմակերպությունների թիվը, որոնք անակնկալներ են պատրաստում իրենց աշխատակիցների և հավատարիմ հաճախորդների համար: Կորպորատիվ տպագրությունը ցույց է տալիս Ձեր հետաքրքրությունը և հոգատարությունը բիզնես գործընկերների, հաճախորդների և աշխատակիցների նկատմամբ:
Ի՞նչ է անհրաժեշտ որակյալ կորպորատիվ տպագրության համար
- Մշակված դիզայն
- Մասնագիտացված տպագրություն
Որպեսզի տպարանը կարողանա բարձրորակ դիզայն և տպագրություն իրականացնել ապրանքների վրա, անհրաժեշտ է ունենալ ժամանակակից և պրոֆեսիոնալ սարքավորումներ: Հայաստանում կորպորատիվ տպագրությունը հասանելի չէ այնպիսի տպարանների համար, որտեղ չկան օրինակ թուղթը կտրելու, դակելու, կարելու և սոսնձելու համար նախատեսված մասնագիտացված սարքավորումներ: Control Print տպարանն, ունենալով ավելի քանի 15 տարվա մասնագիտական փորձ, հանդիսանում է իր կորպորատիվ և անհատ հաճախորդների հուսալի գործընկերը: Մենք առաջարկում ենք կորպորատիվ փաթեթների անհատական դիզայն և տպագրություն: Ձեռք բերեք բրենդավորված շապիկներ, նոթատետրեր, գրիչներ, կրիչներ, արտաքին մարտկոցներ (Powerbank) և կորպորատիվ ինքնության այլ տարրեր՝ Ձեր երախտագիտությունը յուրօրինակ անակնկալի տեսքով արտահայտելու համար: